ಸದ್ಯದ ರಾಜ್ಯ ರಾಜಕಾರಣದ ವಿದ್ಯಮಾನಗಳ ಹಿನ್ನೆಲೆಯಲ್ಲಿ ಎತ್ತ ಕಡೆಯಿಂದ ನೋಡಿದರೂ, ಜೆಡಿಎಸ್ ವರಿಷ್ಠರು ಮತ್ತು ಬಿಎಸ್ ವೈ ನಡುವಿನ ಈ ‘ಕುಚುಕುಕುಚುಕು’ ಭಾರೀ ತಂತ್ರಗಾರಿಕೆ ಎನಿಸದೇ ಇರದು. ಒಂದೇ ಕಲ್ಲಿಗೆ ಕೇವಲ ಎರಡು ಹಕ್ಕಿಯಲ್ಲ; ಬದಲಾಗಿ ಹಲವು ಹಕ್ಕಿ ಹೊಡೆಯುವ ಚಾಣಾಕ್ಷ ನಡೆ ಇದು. ಆದರೆ, ಎಲ್ಲಾ ಚಾಣಾಕ್ಷತನಗಳಿಗೂ ಇರುವಂತೆ, ಈ ನಡೆಗೂ ತಿರುಗುಬಾಣವಾಗುವ ಅಪಾಯವಿದ್ದೇ ಇದೆRead more...
ಸಿಎಂ ಯಡಿಯೂರಪ್ಪ ಒಂದು ಕಡೆ ತಮ್ಮ ಸರ್ಕಾರದ ನೂರು ದಿನದ ಸಾಧನೆಯ ಸಂಭ್ರಮದಲ್ಲಿರುವಾಗಲೇ ಮತ್ತೊಂದು ಕಡೆ ಅವರ ಆಪರೇಷನ್ ಆಡಿಯೋ ಪ್ರಕರಣ ಹೊಸ ಹೊಸ ತಿರುವು ಪಡೆಯುತ್ತಿದೆ. ಬೆಂಗಳೂರಿನ ಸಾಮಾಜಿಕ ಕಾರ್ಯಕರ್ತರೊಬ್ಬರು ಪ್ರಕರಣದ ತನಿಖೆ ನಡೆಸಬೇಕು ಎಂದು ಎಸಿಬಿಗೆ ದೂರು ನೀಡಿರುವುದು ಹೊಸ ಬೆಳವಣಿಗೆ. ಈ ನಡುವೆ ಪ್ರಕರಣ ಬಿಜೆಪಿಗೆ ನುಂಗಲಾರದ ತುತ್ತಾಗಿ ಪರಿಣಮಿಸುತ್ತಿದ್ದು, ಬಿಜೆಪಿ ನಾಯಕರು ಆಳಿಗೊಂದು ಮಾತು ಆಡುವ ಮೂಲಕ ಇಡೀ ಪ್ರಕರಣದ ತಿಪ್ಪೇಸಾರಿಸುವ ಪ್ರಯತ್ನ ಮಾಡುತ್ತಿದ್ದಾರೆ. Read more...
ಯಡಿಯೂರಪ್ಪ ಅವರನ್ನು ಕೆಡವುವ ಬಿಜೆಪಿಯ ಒಳಗೇ ಇರುವ ಯಡಿಯೂರಪ್ಪ ವಿರೋಧಿ ಬಣದ ಶತಾಯಗತಾಯ ಪ್ರಯತ್ನದ ಭಾಗವಾಗಿ ಇದೀಗ ಈ ಆಡಿಯೋ ಬಹಿರಂಗವಾಗಿದೆ ಮತ್ತು ಹೀಗೆ ತಮ್ಮ ಮಾತುಗಳನ್ನು ಕದ್ದು ರೆಕಾರ್ಡ್ ಮಾಡಿ ವೈರಲ್ ಮಾಡಿ ತಮಗೆ ಸಂಕಷ್ಟ ತರುವ ಸೂಚನೆ ಕೂಡ ಯಡಿಯೂರಪ್ಪ ಅವರಿಗೆ ಮೊದಲೇ ಗೊತ್ತಿತ್ತು ಎಂಬುದು ಕೂಡ ಈ ಪ್ರಕರಣದ ವಿಶೇಷ. ಈ ನಡುವೆ, ಇದೀಗ ಪ್ರತಿಪಕ್ಷಗಳು ಈ ಪ್ರಕರಣದಲ್ಲಿ ನ್ಯಾಯಾಲಯದ ಮೆಟ್ಟಿಲೇರಿದರೆ ಮುಂದಿನ ಪರಿಣಾಮಗಳೇನಾಗಬಹುದು? ರಾಜ್ಯ ರಾಜಕಾರಣದ ಮೇಲೆ ಅದರ ಪರಿಣಾಮವೇನು? ಅನರ್ಹ ಶಾಸಕರ ಸ್ಥಿತಿ ಏನಾಗಬಹುದು? ಎಂಬ ಹಲವು ಪ್ರಶ್ನೆಗಳು ಎದ್ದಿವೆ.Read more...
ಮುಂಬೈ ವಿಧಾನಸಭೆಯ ಮಾದರಿಯಲ್ಲೇ, ರಾಜ್ಯದ ಉಪ ಚುನಾವಣೆಗೂ ಕೋಮು ವಿಭಜನೆ, ಭಾವನಾತ್ಮಕ ಬ್ಲಾಕ್ ಮೇಲ್ ಮೂಲಕ ಮತ ಕ್ರೋಡೀಕರಣಕ್ಕೆ ಜಾಲ ಹೆಣೆಯಲಾಗಿದೆ. ಜನರಿಗೆ ಮತಾಂಧತೆಯ ಅಫೀಮು ಸರಬರಾಜಾಗಿದೆ. ಇದೀಗ ಅಮಲೇರತೊಡಗಿದೆ. ಇನ್ನೇನಿದ್ದರೂ ಅದು ಮತ್ತಷ್ಟು ರಂಗೇರಲಿದೆ! ಪ್ರವಾಹ, ಕನ್ನಡಿಗರ ಉದಾಸೀನ, ಆರ್ ಸಿ ಇಪಿ, ರೈತರ ಗೋಳು, ಎಲ್ಲವೂ ಆ ಅಮಲಿನ ಮಂಕುಬೂದಿಯ ಗುಂಗಲ್ಲಿ ಮರೆತು ಮರೆಯಾಗಲಿವೆ!Read more...
ಈ ಹಿಂದೆ ‘ದನಕರುಗಳು ಕಾಡಿಗೆ ಹೋದರೆ ಇಡೀ ವನ್ಯಜೀವಿ ಸಂಕುಲವೇ ನಾಶವಾಗುತ್ತದೆ’ ಎಂದಿದ್ದ ಪರಿಸರ ತಜ್ಞ ಸಂಜಯ್ ಗುಬ್ಬಿಯವರನ್ನೂ ಒಳಗೊಂಡ ರಾಜ್ಯ ವನ್ಯಜೀವಿ ಮಂಡಳಿ ಈಗ, ಶರಾವತಿ ಭೂಗತ ವಿದ್ಯುತ್ ಯೋಜನೆಗಾಗಿ ಇಡೀ ಜಗತ್ತಿನ ಅತ್ಯಂತ ಸೂಕ್ಷ್ಮ ಪರಿಸರ ಪ್ರದೇಶದ ಹೃದಯಕ್ಕೇ ಕಿಂಡಿ ಕೊರೆಯಲು ‘ನಮ್ಮದೇನೂ ಅಭ್ಯಂತರವಿಲ್ಲ’ ಎಂದು ಷರಾ ಬರೆದಿರುವುದು ಸಹಜವಾಗೇ ಪರಿಸರಪರವಾದ ಕಾಳಜಿಗಳು ಎಷ್ಟು ನೈಜ, ಎಷ್ಟು ಸೋಗಲಾಡಿ ಎಂಬ ಗಂಭೀರ ಪ್ರಶ್ನೆಗಳನ್ನು ಹುಟ್ಟುಹಾಕಿವೆ.Read more...
ನಿರುದ್ಯೋಗ, ಆರ್ಥಿಕ ಕುಸಿತ, ಬ್ಯಾಂಕ್ ದಿವಾಳಿ, ಕೃಷಿ ಬಿಕ್ಕಟ್ಟು, ಸರ್ಕಾರಿ ಸ್ವಾಮ್ಯದ ಬೃಹತ್ ಉದ್ದಿಮೆಗಳ ಪತನದಂತಹ ಜನರ ವಾಸ್ತವ ಬದುಕಿನ ನೈಜ ಸಮಸ್ಯೆಗಳನ್ನು ನಿರ್ವಹಿಸುವಲ್ಲಿ ಸರ್ಕಾರಗಳ ವೈಫಲ್ಯದ ಹಿನ್ನೆಲೆಯಲ್ಲಿ ಈ ಚುನಾವಣಾ ಫಲಿತಾಂಶದ ಮೇಲೆ ಇಡೀ ದೇಶದ ಕಣ್ಣಿತ್ತು. ದೇಶದ ಇಡೀ ವ್ಯವಸ್ಥೆಯೇ ಕುಸಿದು ಬೀಳುತ್ತಿರುವ ಹೊತ್ತಲ್ಲಿ, ಕೇವಲ ದೇಶಭಕ್ತಿ, ಪಾಕ್ ದ್ವೇಷ, ಹಿಂದುತ್ವದಂತಹ ವಿಷಯಗಳನ್ನೇ ತೇಲಿಬಿಟ್ಟು ಶ್ರೀಸಾಮಾನ್ಯನ ವಿವೇಕವನ್ನು ಮಣ್ಣುಮುಕ್ಕಿಸಬಹುದೇ ಎಂಬ ಕುತೂಹಲ ಎಲ್ಲರದ್ದಾಗಿತ್ತು.Read more...
ಈ ಬಾರಿ ಮಹಾರಾಷ್ಟ್ರ- ಹರ್ಯಾಣ ಚುನಾವಣಾ ಕಣದಲ್ಲಿ ಬಿಜೆಪಿಗೆ, ದೇಶದ ಜನಸಾಮಾನ್ಯರ ವಾಸ್ತವಿಕ ಬದುಕಿನ ಕಡು ಕಷ್ಟ, ಸಂಕಷ್ಟಕ್ಕೆ ಕಾರಣವಾದ ತನ್ನ ಸಾಲು ಸಾಲು ವೈಫಲ್ಯಗಳ ವಿರುದ್ಧದ ಜನಾಕ್ರೋಶವನ್ನು ಎದುರಿಸುವ ಸವಾಲು ಎದುರಾಗಿತ್ತು. ಆದರೆ, ಜನಸಾಮಾನ್ಯರ ನಿತ್ಯದ ಬದುಕಿಗೆ ಯಾವ ರೀತಿಯಲ್ಲೂ ಸಂಬಂಧವೇ ಪಡದ ‘ಭಾರತ ರತ್ನ’ ವಿಷಯವನ್ನು ಮುಂದುಮಾಡುವ ಮೂಲಕ ಬಿಜೆಪಿ ಬಹಳ ಸಲೀಸಾಗಿ ಎಲ್ಲವನ್ನೂ ತಿರುವುಮುರುವು ಮಾಡಿಬಿಟ್ಟಿದೆ. ಪ್ರತಿಪಕ್ಷಗಳೂ ಅದರ ಆ ಚಾಣಾಕ್ಷ ಮೋಸದಬಲೆಯಲ್ಲಿ ಸಿಲುಕಿಬಿಟ್ಟಿವೆ. Read more...
ಉತ್ತರ ಪ್ರದೇಶದ ಯೋಗಿ ಆದಿತ್ಯನಾಥ ಸರ್ಕಾರ ಒಳ್ಳೆಯದಕ್ಕಾಗಿ ಸುದ್ದಿ ಮಾಡಿದ್ದು ಕಡಿಮೆ. ಆದರೆ ದಿನವೂ ಒಂದಿಲ್ಲೊಂದು ವಿವಾದವನ್ನೇ ಸೃಷ್ಟಿಸುತ್ತಿದೆ. ಕಫೀಲ್ ಖಾನ್ ಎಂಬ ಪ್ರಾಮಾಣಿಕ ವೈದ್ಯನನ್ನು ಶಿಶುಗಳ ಸಾವಿನ ಹೊಣೆ ಹೊರಿಸಿ ಜೈಲಿಗೆ ತಳ್ಳಿದ್ದ ಯೋಗಿ ಸರ್ಕಾರ ತನಿಖೆಯ ನಂತರ ಅಂತಿಮವಾಗಿ ಕಫೀಲ್ ಖಾನ್ ನಿರಪರಾಧಿ ಎಂದು ಒಪ್ಪಿಕೊಳ‍್ಳಬೇಕಾಗಿ ಬಂದಿದೆ. ಈ ಪ್ರಕರಣ ಮಾಸುವ ಮುನ್ನವೇ ಇದೀಗ ಫರ್ಖಾನ್ ಅಲಿ ಎಂಬ ಶಾಲಾ ಮುಖ್ಯೋಪಾಧ್ಯಾಯನನ್ನು ಅಮಾನತುಗೊಳಿಸಿ ವಿವಾದ ಸೃಷ್ಟಿಸಿದೆ. ನೆನ್ನೆ (ಶುಕ್ರವಾರ) ಉತ್ತರ ಪ್ರದೇಶದ ಪಿಲಿಬಿಟ್ ಜಿಲ್ಲೆಯ ಗಯಾಸ್ಪುರ ಪ್ರದೇಶದ ಸರ್ಕಾರಿ ಪ್ರಾಥಮಿಕ ಶಾಲೆಯೊಂದರಲ್ಲಿ ಸುಮಾರು 30 ವಿದ್ಯಾರ್ಥಿಗಳು ಬೆಳಿಗ್ಗೆ 9:10ರ ಸುಮಾರಿಗೆ ಘೋಷಣೆ ಕೂಗುತ್ತಿದ್ದರು. “ದೇಶ ಕೀ ರಕ್ಷಾ ಕೌನ್ ಕರೇಗಾ? ಹಮ್ ಕರೇಂಗೆ (ದೇಶದ ರಕ್ಷಣೆ ಯಾರು ಮಾಡುತ್ತಾರ? ನಾವು ಮಾಡುತ್ತೇವೆ”), “ಕೈಸೇ ಕರೇಂಗೆ? ತನ್ ಸೇ ಕರೇಂಗೆ, ಮನ್ ಸೇ ಕರೇಂಗೆ, ಧನ್ ಸೇ ಕರೇಂಗೆ (ಹೇಗೆ ಮಾಡುತ್ತೇವೆ? ತನು, ಮನ ಧನದಿಂದ ಮಾಡುತ್ತೇವೆ?) ಎಂಬ ಘೋಷಣೆಗಳನ್ನು […]Read more...
ಒಂದು ಕಡೆ ಲಕ್ಷಾಂತರ ಕೋಟಿ ಲಾಭದಲ್ಲಿದ್ದ ಸರ್ಕಾರಿ ಕಂಪನಿಗಳು ದಿಢೀರ್ ನಷ್ಟಕ್ಕೀಡಾಗಿ ಬಾಗಿಲು ಹಾಕುವ ಸ್ಥಿತಿಗೆ ತಲುಪಿವೆ. ಬ್ಯಾಂಕುಗಳು ಒಂದೊಂದೇ ದಿವಾಳಿಯಾಗುತ್ತಿವೆ. ಬಡತನದ ಭೂತ ಎದ್ದುಕೂತಿದೆ. ಜಿಡಿಪಿ ಪತನ ಮುಂದುವರಿದಿದೆ. ಆರ್ ಸಿಇಪಿ ಮೂಲಕ ಅನ್ನದಾತರ ಮಗ್ಗಲುಮುರಿಯಲು ಸಜ್ಜಾಗಿದ್ದಾರೆ. ದೇಶದ ಸಾಲ ಮೂರೇ ವರ್ಷದಲ್ಲಿ 30 ಲಕ್ಷ ಕೋಟಿಯಷ್ಟು ಹೆಚ್ಚಾಗಿದೆ. ಆದರೆ, ನೀವು ಮಾತ್ರ ವಾಟ್ಸಪ್ ನಲ್ಲಿ ಅಯೋಧ್ಯೆ, ಭಾರತ ರತ್ನ, ಭಯೋತ್ಪಾದನೆಯ ಭೂತ ಮೈಮೇಲೆ ಎಳೆದುಕೊಂಡು ಮೈಮರೆತಿದ್ದೀರಿ..Read more...
