ಬಿಜೆಪಿ ಪಕ್ಷದ ತೆಲಂಗಾಣದ ಶಾಸಕ ರಾಜಾಸಿಂಗ್ ಟ್ವಿಟರ್ ನಲ್ಲಿ ಹಂಚಿಕೊಂಡಿರುವ ಹಾಡೊಂದು ವಿವಾದ ಸೃಷ್ಟಿಸಿದೆ. ಏ.12ರಂದು ತಾನು ಹೊಸ ಹಾಡೊಂದನ್ನು ಹಾಡಿ ಹಂಚಿಕೊಳ್ಳಲಿದ್ದೇನೆ ಎಂದು ಟ್ವಿಟರ್ ಮೂಲಕ ತಿಳಿಸಿದ್ದರು. ಅದರಂತೆ ಅವರು ತಾವೇ ಹಾಡಿರುವ ಒಂದು ಹಾಡನ್ನು ಹಂಚಿಕೊಂಡಿದ್ದರು.
ಆ ಹಾಡು ಇಲ್ಲಿದೆ. ಕೇಳಿ.
My new song which will be released on 14th April at 11:45 AM on the occasion of #SriRamNavami is dedicated to our #IndianArmy forces. pic.twitter.com/Es391cE2PT
— Chowkidar Raja Singh (@TigerRajaSingh) April 12, 2019
ಆದರೆ ಈ ಹಾಡಿನ ಸಮಸ್ಯೆ ಏನು ಗೊತ್ತೇ?
“ಸೀದಾ ರಾಸ್ತಾ ವತನ್, ದಿಲ್ ಕಿ ಹಿಮತ್ ವತನ್, ಅಪ್ನಾ ಜಝ್ಬಾ ವತನ್, ಮಾನ್ ಕೀ ಸುಚೀ ಲಗನ್, ಸೀಧಾ ರಾಸ್ತಾ ವತನದ..” ಎಂದು ಆರಂಭವಾಗುವ ಈ ಗೀತೆಯನ್ನು ಬಿಜೆಪಿ ಶಾಸಕರು ಬಹಳ ಹುಮ್ಮಸ್ಸಿನಿಂದ ಹಾಡಿದ್ದಾರೆ ನಿಜ. ಆದರೆ ಈ ಹಾಡಿನ ಪ್ರತಿ ಶಬ್ದವೂ ಸಹ ಪಾಕಿಸ್ತಾನದ ಸೇನಾ ಪಡೆಗಳಿಗಾಗಿ ರಚಿಸಿರುವ ಹಾಡಾಗಿದೆ. ಈ ಗೀತೆಯನ್ನು ಪಾಕಿಸ್ತಾನದ ಸೇನಾಪಡೆಗಳ ಮಾಧ್ಯಮ ವಿಭಾಗವಾದ ISPR ಮಾರ್ಚ್ 23ರಂದು ಪಾಕಿಸ್ತಾನ ದಿನಾಚರಣೆಗೆ ಹಾಡುವ ಸಲುವಾಗಿ ಬಿಡುಗಡೆ ಮಾಡಿತ್ತು. ಮಾನ್ಯ ಬಿಜೆಪಿ ಶಾಸಕರು ಈ ಹಾಡನ್ನು ಯಥಾವತ್ ಕದ್ದು ಅದರಲ್ಲಿ ಪಾಕಿಸ್ತಾನ್ ಎಂದಿರುವ ಕಡೆ ‘ಹಿಂದೂಸ್ತಾನ್’ ಎಂದು ಬದಲಿಸಿಕೊಂಡು ಹಾಡಿನ ರೆಕಾರ್ಡ್ ಮಾಡಿದ್ದಾರೆ. ಅದನ್ನೇ ಟ್ವೀಟ್ ಮಾಡಿದ್ದಾರೆ.
ಮೂಲ ಪಾಕಿಸ್ತಾನಿ ಹಾಡು ಮತ್ತು ಬಿಜೆಪಿ ಶಾಸಕ ಹಾಡಿರುವ ಹಾಡುಗಳ ಹೋಲಿಕೆ ಇಲ್ಲಿದೆ ನೋಡಿ.
BJP's Nationalist MLA @TigerRajaSingh copies Pakistan Army's official "Pakistan Zindabad" Song 😂😂 pic.twitter.com/3p6Mn0tkHy
— Mohammed Zubair (@zoo_bear) April 14, 2019
ರಾಜಾಸಿಂಗ್ ಅವರು ತಾವು ಹಾಡಿದ ವಿಡಿಯೋವನ್ನು ಟ್ವಿಟರಿನಲ್ಲಿ ಪೋಸ್ಟ್ ಮಾಡುತ್ತಿದ್ದಂತೆ ಅದು ಪಾಕಿಸ್ತಾನಿ ಹಾಡು ಎಂದು ಗುರುತಿಸಿದ ಪಾಕಿಸ್ತಾನೀಯರು, ಅವರ ವಿಡಿಯೋ ಕೆಳಗಡೆ ಮೂಲ ಪಾಕಿಸ್ತಾನಿ ಹಾಡಿನ ವಿಡಿಯೋ ಹಂಚಲಾರಂಭಿಸಿದ್ದಲ್ಲದೇ ರಾಜಾ ಸಿಂಗ್ ಅವರನ್ನು ಗೇಲಿ ಮಾಡಲಾರಂಭಿಸಿದರು.
ಭಾರತೀಯರು ಪಾಕಿಸ್ತಾನದ ಹಾಡನ್ನು ಕಾಪಿ ಮಾಡಿದ್ದಾರೆ ಎಂದು ತಮಾಷೆ ಮಾಡಲಾರಂಭಿಸಿದರು.
For anyone who wants to listen to the real song pic.twitter.com/ZZf8LjG4wV
— MP 🇵🇰 (@PTIMPK) April 14, 2019
ಇಷ್ಟಕ್ಕೇ ನಿಲ್ಲದೇ ಪಾಕಿಸ್ತಾನಿ ಸೇನಾ ವಕ್ತಾರರೂ ಈ ಕುರಿತು ಟ್ವೀಟ್ ಮಾಡಿದರು.
Glad that you copied. But copy to speak the truth as well. #PakistanZindabad https://t.co/lVPgRbcynQ
— Asif Ghafoor (@peaceforchange) April 14, 2019
