ಬ್ರೇಕಿಂಗ್ ಸುದ್ದಿ

ಒಪ್ಪೊತ್ತು ಊಟಕ್ಕೂ ಪರದಾಡುತ್ತಿರುವ ಪದ್ಮಶ್ರೀ ಪುರಸ್ಕೃತನಿಗೆ ಈಗ ಇರುವೆ ಮೊಟ್ಟೆಗಳೇ ಆಹಾರ!

ಬಡತನದ ಬೇಗೆಯಲ್ಲಿ ಬೇಯುತ್ತಾ ಒಪ್ಪೊತ್ತು ಊಟಕ್ಕೂ ಇಲ್ಲದೆ ಇರುವೆ ಮೊಟ್ಟೆಗಳನ್ನು ತಿಂದು ಬದುಕುವ ಬುಡಕಟ್ಟು ಜನಾಂಗದ ಪದ್ಮಶ್ರೀ ಪುರಸ್ಕೃತರ ಬದುಕಿನ ಸ್ಥಿತಿಗತಿಯತ್ತ ತಿರುಗಿ ನೋಡದ ಅಧಿಕಾರಿಗಳು ಅವರು ಕೇವಲ ಪ್ರಶಸ್ತಿ ವಾಪಸ್ ಮಾಡದಂತೆ ನೋಡಿಕೊಳ್ಳುವುದಾಗಿ ಹೇಳುತ್ತಾರೆ! ದೈತರಿ ನಾಯಕ್ ಕುಟುಂಬಕ್ಕೆ ಪದ್ಮಶ್ರೀ ಪ್ರಶಸ್ತಿ ಅನ್ನ-ನೀರು-ಮನೆ-ಕೆಲಸ ನೀಡುವಂತಿದ್ದರೆ ಮಾತ್ರ ಪ್ರತಿಷ್ಠೆಯಾಗುತ್ತದೆಯೇ ಹೊರತು ಅವುಗಳನ್ನು ಕಸಿದುಕೊಂಡರೆ ಪ್ರಶಸ್ತಿ ಅವರ ಪಾಲಿಗೆ ವಿಷದ ಮುಳ್ಳಾಗುತ್ತದೆ. ಮೋದಿಯವರ ‘ಸಬ್ ಕಾ ಸಾಥ್ - ಸಬ್ ಕಾ ವಿಕಾಸ್ - ಸಬ್ ಕಾ ವಿಶ್ವಾಸ್’ ನೀತಿ ಎಂದರೆ ಪದ್ಮಶ್ರೀ ಪುರಸ್ಕೃತರು ಅನ್ನವಿಲ್ಲದೆ ಪರದಾಡುವುದೇ ಏನು?

  • ಪದ್ಮಶ್ರೀ ಪುರಸ್ಕೃತ ದೈತರಿ ನಾಯಕ್ ಗೆ ಸರ್ಕಾರ ನೆರವಾಗಲಿ
    —————————————————————————
    ಬಡತನದ ನಡುವೆ ಬೆಟ್ಟ ಕಡಿದು ಕಾಲುವೆ ನಿರ್ಮಿಸುವ ಮೂಲಕ ದೇಶದ ಗಮನ ಸೆಳೆದು ಹೆಸರು ಮಾಡಿದ್ದ ಒರಿಸ್ಸಾ ರಾಜ್ಯದ ತಲಬೈತರಾನಿ ಗ್ರಾಮದ ದೈತರಿ ನಾಯಕ್ ನಮ್ಮ ದೇಶದ ಹೆಮ್ಮೆ. ಅಂತಹ ಸಾಧಕನನ್ನು ಗುರುತಿಸಿ ದೇಶದ ಅತ್ಯುತ್ತಮ ನಾಗರಿಕ ಪ್ರಶಸ್ತಿ ಪದ್ಮಶ್ರೀ ನೀಡಿ ಗೌರವಿಸಿರುವುದು ನಿಜವಾಗಿಯೂ ಕೇಂದ್ರ ಸರ್ಕಾರದ ಹೆಮ್ಮೆ. ಅದರಲ್ಲಿ ಎರಡು ಮಾತಿಲ್ಲ.
    ಆದರೆ, ಯಾವುದೇ ಪ್ರಶಸ್ತಿಯಾಗಲಿ ಹೊಟ್ಟೆ ತುಂಬಿಸುವುದಿಲ್ಲ ಎಂಬುದು ಮುಖ್ಯವಾದ ವಿಚಾರ. ಅದರ ಅನುಭವ ನನಗೆ ಆಗಿದೆ. ರಾಷ್ಟ್ರೀಯ ಯುವ ವಪ್ರಶಸ್ತಿ ಪುರಸ್ಕೃರಾಗಿರುವ ನಾನು ಒಂದು ರೀತಿಯಲ್ಲಿ ಅನೇಕ ಸಮಸ್ಯೆಗಳನ್ನು ಎದರಿಸುತ್ತಿದ್ದೇನೆ. ಯಾವುದೇ ಪ್ರಶಸ್ತಿಯಾದರೂ ಸರಿ ಅದು ಗೌರವ ಹೆಚ್ಚಿಸುತ್ತದೆ. ಆದರೆ ಹೊಟ್ಟೆ ತುಂಬಿಸುವುದಿಲ್ಲ. ಸರ್ಕಾರ ಪ್ರಶಸ್ತಿ ಕೊಟ್ಟು ಕೈ ತೊಳೆದುಕೊಂಡರೆ ಸಾಲದು. ಅವರ ಅನ್ನ ಮತ್ತು ಆರ್ಥಿಕ ಸ್ಥಿತಿ ಹೇಗಿದೆ ಎಂಬುದನ್ನು ಗುರುತಿಸುವುದು ಮುಖ್ಯ. ಅದು ಸಾಧ್ಯವಾಗದಿದ್ದರೆ ತುತ್ತು ಕೂಳಿಗೂ ಪರದಾಡಬೇಕಾಗುತ್ತದೆ ಎಂಬುದಕ್ಕೆ ದೈತರಿ ನಾಯಕ್ ಅವರ ಈಗಿನ ಸ್ಥಿತಿ ನಿದರ್ಶನವಾಗಿದೆ.
    ಬಸಣ್ಣನವರ ಕಲ್ಯಾಣ ರಾಜ್ಯದ ಕನಸ್ಸು “ಸರ್ವರಿಗು ಸಮಪಾಲು. ಸರ್ವರಿಗು ಸಮಬಾಳು”. ರಾಜಕೀಯಕ್ಕಾಗಿ ಎಲ್ಲರೂ ಬಳಸಿಕೊಂಡು ಸವೆಸಿದ್ದಾರೆ. ಆದರೆ, ಸರ್ವರಿಗೆ ಸಮ ಪಾಲು. ಸರ್ವರಿಗೂ ಸಮಬಾಳು ಸಿಕ್ಕಿದೆಯೇ ಕಂಡಿತ ಇಲ್ಲ. ಹಣವಂತರು ಹಣವಂತರಾಗಿ ಮೆರೆಯುತ್ತಿದ್ದಾರೆ. ಬಡವರು ಬಡವರಾಗಿಯೇ ಬಡತನದ ಬೇಗುದಿಯಲ್ಲಿ ಕರಗಿ ಹೋಗುತ್ತಿದ್ದಾರೆ ಎಂಬುದಕ್ಕೆ ದೈತರಿ ನಾಯಕ್ ಅವರ ಸ್ಥಿತಿ ಸಾಕ್ಷಿಯಾಗಿದೆ.
    ವಿಶ್ವದ ಗಮನ ಸೆಳೆಯುತ್ತಿರುವ ನಮ್ಮ ಪ್ರಧಾನ ಮಂತ್ರಿ ನರೇಂದ್ರ ಮೋದಿ ಅವರ ” ಸಬ್ ಕಾ ಸಾಥ್. ಸಬ್ ಕಾ ವಿಕಾಸ್” ಘೋಷಣೆ ರಾಜಕೀಯಕ್ಕೆ ಸೀಮಿತವಾಗಿದೆಯೇ ವಿನಾ ಅನುಷ್ಟಾನಕ್ಕೆ ಬಂದಿಲ್ಲ ಎಂಬುದಕ್ಕೆ ದೇಶದ ಉದ್ದಗಲಕ್ಕೂ ಲಕ್ಷಾಂತರ ಉದಾಹರಣೆಗಳಿವೆ. ಸಬ್ ಕಾ ಸಾಥ್ ನಿಜಾವಾಗಿಯೂ ಚುನಾವಣೆಯಲ್ಲಿ ಆಗಿದೆ. ಚುನಾವಣೆಯಲ್ಲಿ ಪ್ರತಿಯೊಬ್ಬರು ಸಾಥ್ ನೀಡುವ ಮೂಲಕ ಮೋದಿ ಪ್ರಧಾನಿ ಮಾಡಿದ್ದಾರೆ. ಆದರೆ, ಸಬ್ ಕಾ ವಿಕಾಸ್ ಕಂಡಿತ ಆಗಿಲ್ಲ. ಆಗಿದ್ದರೆ ಬುಡಕಟ್ಟು ಜನಾಂಗದ ದೈತರಿ‌ ನಾಯಕ್ ಇರುವೆ ಮೊಟ್ಟೆ ಅವಲಂಬಿಸುತ್ತಿರಲಿಲ್ಲ.
    ದೈತರಿ ನಾಯಕ್ ಅವರ ಹೊಟ್ಟೆ ತುಂಬಿಸುತ್ತಿದ್ದ ಕೂಲಿಯನ್ನೇ ಪದ್ಮಶ್ರೀ ಪ್ರಶಸ್ತಿ ಕಿತ್ತುಕೊಂಡಿರುವುದು ನಮ್ಮ ದೇಶದ ದುರಂತಕ್ಕೆ ನಿದರ್ಶನವಾಗಿದೆ. ಪ್ರಶಸ್ತಿಗಳನ್ನು ಪಡೆದುಕೊಂಡವರು ಅದರ ಲಾಭಗಳನ್ನು ಉಡುಕಿ ಸತಾಯಗತಾಯ ಪಡೆದುಕೊಳ್ಳುವ ಜನರು ನಮ್ಮ ಕಣ್ಣ ಮುಂದೆ ಇದ್ದಾರೆ. ಆದರೆ, ಪ್ರಶಸ್ತಿಯನ್ನು ತಮ್ಮ ಸ್ವಾರ್ಥ ಮತ್ತು ಲಾಭಕ್ಕೆ ಬಳಸಿಕೊಳ್ಳದ ದೈತರಿ ನಾಯಕ್ ನಮಗೆಲ್ಲ ಅನುಕರಣೀಯರಾಗಿದ್ದಾರೆ. ಜಗ ಮೆಚ್ಚುವ ಕಾರ್ಯದ ಮೂಲಕ ಆದರ್ಶವಾಗಿರುವ ದೈತರಿ ನಾಯಕ್ ಅವರ ಅನ್ನಕ್ಕೆ ಸರ್ಕಾರ ದಾರಿ ಮಾಡಿಕೊಡುವ ಮೂಲಕ ಮಾನವೀಯತೆಯ ಮುಖ ಪ್ರದರ್ಶಿಸಬೇಕಾಗಿದೆ.
    ದೈತರಿ ನಾಯಕ್ ಅವರ ವಾಸ್ತವತೆಯನ್ನು ಹೊರ ಜಗತ್ತಿಗೆ ತೆರೆದಿಟ್ಟ TRUTH INDIA ಕನ್ಬಡಕ್ಕೆ ನನ್ನ ಕೋಟಿ ಕೋಟಿ ನಮನಗಳು.
    *ಹಿರೇಮಗಳೂರು ಪುಟ್ಟಸ್ವಾಮಿ
    ರಾಷ್ಟ್ರೀಯ ಯುವ ಪ್ರಶಸ್ತಿ ಪುರಸ್ಕೃತರು
    ಹಿರೇಮಗಳೂರು
    ಚಿಕ್ಕಮಗಳೂರು ಜಿಲ್ಲೆ
    ಕರ್ನಾಟಕ.
    —————————————————–

leave a reply